Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի և Հայաստանի Հանրապետության քաղաքացիական օրենսգրքի 36-րդ գլխի պահանջներով, հիմք ընդունելով «Հայաստանի սոցիալական աշխատողների ասոցիացիա» ՀԿ-ի նախագահ Միրա Անտոնյանի 26.08.2025 թվականի դիմումը, «Հայաստանի սոցիալական աշխատողների ասոցիացիա» ՀԿ-ի և Վաղարշապատ համայնքի ղեկավարի պաշտոնակատարի միջև 22.08.2025 թվականին կնքված համագործակցության հուշագիրը և Վաղարշապատ համայնքի ղեկավարի պաշտոնակատարի առաջարկությունը`

Համայնքի  ավագանին

ՈՐՈՇՈՒՄ   Է

1. «Հայաստանի սոցիալական աշխատողների ասոցիացիա» հասարակական կազմակերպությանը  3 /երեք/ տարի ժամկետով անհատույց օգտագործման իրավունքով տրամադրել Էջմիածին քաղաքի Սուրբ Մեսրոպ Մաշտոցի փողոցի 0 հասցեում` Էջմիածնի համայնքապետարանի վարչական շենքի 3-րդ մասնաշենքի 2-րդ հարկում գտնվող 16.4քմ մակերեսով /2/13 համարակալումով/, 17.7քմ մակերեսով /2/14 համարակալումով/ և 34.2քմ մակերեսով /2/15 համարակալումով/ ոչ բնակելի տարածքները, սոցիալ-հոգեբանական աջակցություն ցուցաբերելու նպատակով, որպես գրասենյակ օգտագործելու համար:

2. «Հայաստանի սոցիալական աշխատողների ասոցիացիա» հասարակական կազմակերպության հետ ՀՀ օրենսդրությամբ սահմանված կարգով կնքել ոչ բնակելի տարածքի անհատույց օգտագործման պայմանագիր:

3. Սույն որոշումն ուժի մեջ է մտնում ընդունմանը հաջորդող օրվանից: