Զեկ. ՎԱՍՊՈՒՐԱԿԱՆ ԴԱՎԹՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 42-րդ կետի, 65-րդ հոդվածի  և «Գնումների մասին» Հայաստանի Հանրապետության օրենքի 20-րդ հոդվածի 4-րդ մասի պահանջներով, հաշվի առնելով այն հանգամանքը, որ Վաղարշապատ համայնքի Էջմիածին քաղաքում  ՀՀ ՏԿԵՆ-ը հայտարարել է Դանղյան փողոցի 300մ հատվածի և Տ-3-26, Վաղարշապատ-Արտիմետ-Խորոնք-Առատաշեն-Տարոնիկ-/Հ-76/ տեղական նշանակության ավտոճանապարհի կմ 0+000-կմ1+605 հատվածի հիմնանորոգման աշխատանքների ձեռքբերման մրցույթ, իսկ այդ հատվածի, մասնավորապես  Էջմիածին քաղաքի Չարենց (Սուրբ Մ․Խորենացի փողոցից մինչևՎ․Տերյանփողոց) և Հ․Դանղյան (Սուրբ Մ․Խորենացի փողոցից մինչև Հ․Թումանյան փողոց)  փողոցներում կոյուղագծերի ուսումնասիրությունից հետո պարզվել է, որ կոյուղագծերը գտնվում են վթարային վիճակում և անհրաժեշտություն է առաջանում կատարել  նշված հատվածներում կոյուղու համակարգի կառուցման աշխատանքներ մինչև ասֆալտբետոնե ծածկի հիմնանորոգման աշխատանքների կատարելը, ինչը  նշված հասցեների բնակիչների համար կարևոր և խիստ անհրաժեշտ է, միևնույն ժամանակ այդ հատվածներում կոյուղու համակարգի կառուցման համար նախատեսվող բաց մրցույթի հայտերի ներկայացման սահմանված 30-օրյա ժամկետի կիրառումը  դառնում է անհնար:

Վաղարշապատի համայնքապետարանի «Բարեկարգում տնօրինություն» բյուջետային հիմնարկի 05.09.2025 թվականի զեկուցագրի և կատարած ուսումնասիրությունների հիման վրա պարզ է դառնում, որ առաջացել է չնախատեսված իրավիճակ, որով ծագել է գնման անհետաձգելի պահանջ, և որ նման պահանջը հնարավոր չէր օբյեկտիվորեն կանխատեսել:

Հիմք ընդունելով վերոգրյալը և համայնքի ղեկավարի առաջարկությունը՝

Համայնքի  ավագանին

ՈՐՈՇՈՒՄ Է

1.Վաղարշապատի համայնքապետարանի կողմից Վաղարշապատ համայնքի Էջմիածին քաղաքի Ե․Չարենց (Սուրբ Մ․Խորենացի փողոցից մինչ ևՎ․Տերյան փողոց) և Հ․Դանղյան (Սուրբ Մ․Խորենացի փողոցից մինչև Հ․Թումանյան փողոց) փողոցների կոյուղու համակարգի կառուցման աշխատանքների համար  նախատեսվող  բաց մրցույթի  հայտերի  ներկայացման՝  սահմանված  30-օրյա  ժամկետը  կրճատել  և սահմանել տասն օրացուցային օր:

2. Սույն որոշման 1-ին կետով սահմանված աշխատանքների կատարման համար ֆինանսավորումը հատկացնել 2025 թվականի ընթացքում:

3. Սույն որոշումն ուժի մեջ է մտնում ընդունմանը հաջորդող օրվանից: